Grahmat Potter merr timonin e çekanëve

Trajneri anglez 49 vjeçar, Graham Potter, edhe zyrtarisht është prezantuar si trajner i ri i West Ham Unitedit, ndërsa për detyrën e re ka thënë se është “sfidë e madhe”. Nënshkrimi i tij i vënë në kontratë me ekipin e çekanëve të Londrës është me afat 2.5 vjeçar.

“Jam i emocionuar me detyrën e re. Më duket si Krishtlindje për të rritur. Jam krenar të marrë detyrën e kryetrajnerit të një klubi të madh me traditë dhe me pritje të mëdha,” ka thënë ndër të tjera Potter me rastin e prezantimit të tij nga klubi.

West Ham United që ndau rrugët me spanjollin Julen Lopetegui pas gjashtë muajsh emërimi në detyrë të tij, është në pozitën e 14-të të renditjes tabelare dhe ka vetëm shtatë pikë më shumë sesa ekipet që janë në zonën e rënies nga Premier Liga.

Për Potterin kjo është puna e parë që e merr prej se u shkarkuar nga Chelsea në prill të vitit 2023. Chelsea kishte paguar rreth 25 milionë euro dëmshpërblim te Brightoni për t’ia marrë atyre Graham Potterin, për ta shkarkuar shpejt!

“Përvoja imë thotë që nëse do të mund të ndërtosh një ekip që njihet në fushë me lojë, me të cilin tifozët identifikohen dhe janë krenarë të shohin lojën dhe të kënaqen me atë, ti do të merr besimin për lidhjen e klubit me tifozë - që është edhe çelësi për të arritur më shumë,” ka thënë ndër të tjera Potter.