Trepça fiton me 35 pikë dallim Rahovecin

Pa shumë tealshe dhe me ecuri pozitive gjatë gjithë kohës së ndeshjes, Trepça ka kaluar Rahovecin në Mizahir Isma për të kthyer bilancin pozitiv në ekip tash, 9-8.

Mitrovicasit kanë triumfuar në Rahovec me rezultat të thellë, duke fituar ndeshjen me 35 pikë dallim, për përfundimtaren Rahoveci - Trepça 62-97 [15-20, 11-27, 19-26, 17-24].

Andrew Gordon kreu lojën me double-double prej 22 pikëve dhe 12 kërcimeve, ndërsa Valdrin Haxhiu dha 15 pikë prej pesë tresheve të shënuara nga nëntë tentime që i kishte.

TABELA AKTUALE

Trajneri i mitrovicasve, Aleksandar Jonchevski i dha mundësi të gjithë lojtarëve të paraqiten sonte në fushë të lojës, ndërsa thuajse secili shënoi së paku 2 pikë në lojë.

Rahoveci, që paralajmëroi dy përforcime në 24 orët e fundit, pa pasur mundësinë t’i fusë në lojë ata, ishte i pafuqishëm t’i bëj ballë Trepçës. Braxton Huggins dha 14 pikë e 4 asistime, ndërsa më efikasi ishte Visar Ejupi që shënoi 16 pikë. Nga përforcimet e fundit, Michael Green dha 12 pikë, ndërsa Ujkan Karanezi 14 të tjera.

Fitorja bën Trepçën me bilanc 9-8 ndërsa Rahovecin 2-14.