KATEGORIA JUNIORE
Vëllaznimi kampion i Kosovës në kategorinë juniore
23 May, 2017 @21:04
Me triumfin e skuadrës së Vëllaznimit është mbyllur finalja e Ligës së Juniorëve në basketbollin e Kosovës.
Skuadra gjakovare u tregua më e mirë se Prishtina pas dy takimeve të zhvilluara, për ta sjellur kështu Kupën në Gjakovë. Ndeshja e parë në Prishtinë u mbyll 68-70 për gjakovarët, të cilët e fituan edhe ndeshjen e dytë në Gjakovë me rezultat 63-60 dhe arritën të shpallen kampionë të Kosovës në kategorinë juniore (grupmoshat U18).
Në takimin e parë në Prishtinë më i dalluari për Vëllaznimin ishte Atik Koshi me plot 49 pikë, ndërsa detajet e ndeshjes së zhvilluar sonte nuk janë bërë të ditura ende.
