BASHKIMI - YLLI
Ylli i kthehet fitoreve, Sterle ende pa fitore
13 March, 2021 @20:40
Pas 2 humbjeve rresht, Golden Eagle Ylli i kthehet fitoreve, duke e mposhtur Bashkimin me rezultat 66-81.
Në 3 çerekët e parë, rezultati ishte i ngushtë, derisa për herë të parë është ngritur epërsia në dyshifrorë në 10 minutëshin e fundit, nga ana e basketbollistëve të Yllit.
Erjon Kastrati e Mitchell Wilbekin shkëlqyen në këtë ndeshje. Të dy basketbollistë luajtën me nga 21 pikë, derisa u ndihmuan edhe nga Lg Gill me 14 pikë dhe Demetris Morant me 12 pikë e 10 kërcime.
Te Bashkimi u dallua Christian Lutete me 27 pikë e 8 kërcime, por nuk mjaftoi për fitore.
Trajneri i Bashkimit, Franko Sterle, edhe në ndeshjen e dytë të tij me Bashkimin, nuk arriti të njoftohet me fitore.
Golden Eagle Ylli aktulisht ngritet në pozitën e parë, së paku deri nesër, me 15 fitore e 8 humbje, kurse Bashkimi është në pozitën e pestë me 10 fitore e 13 humbje.
Në xhiron tjetër Ylli takohet me Trepçën, kurse Bashkimi me Vëllaznimin.
