KASTRIOTI (F) - BASHKIMI (F)
TOPSPORTI / Arian Paçarizi
8ashkimi vër8 në formë
2 December, 2019 @13:28
Vashat e Bashkimit, formën e mirë të tyre e vazhduan edhe në ndeshjen e tetë të stinorit kundër Kastriotit.
Bashkimi e mposhti kundërshtarin me rezultat të thellë 39-105.
Nga minuta e parë e ndeshjes, epërsia ishte gjithmonë te skuadra prizrenase.
Aisha Balarabe ishte koshashënuesja më e mirë me 19 pikë,derisa me double-double luajtën Saranda Daci me 17 pikë e 11 kërcime, Jeta Zeka me 17 pikë e 16 kërcime, Sara Vraniqi me 14 pikë e 11 kërcime, kurse Khadija Brown Haywood, luajti me shifrat magjike triple-double prej 14 pikëve, 12 asistime e 11 kërcimeve.
Te Kastrioti më e dalluara ishte Agnesa Rrahmani me 26 pikë.
Bashkimi u bë skuadra e dytë pas Prishtinës në Ligën e Femrave, që e kaloi cakun e 100 pikëve në ndeshje.
Skuadra prizrenase është e vetmja pa humbje në 8 ndeshjet e zhvilluara, derisa Kastrioti ka bilanc prej 2 fitoreve e 6 humbjeve.
Në xhiron tjetër Bashkimi takohet me Vëllaznimin, kurse Kastrioti me Trepçën.
