Bashkimi fiton në Rozhajë, hap drejt Play Off-it

Pas fitores ndaj Tiranës në ndeshjen e kaluar, Bashkimi ka shënuar edhe një fitore tjetër në BIBL.

Prizrenasit sonte e mbyllën me fitore takimin e luajtur ndaj skuadrës së Ibrit në Rozhajë, për t’i rritur kështu gjasat që të përfundojnë në një nga pozitat që dërgojnë në fazën Play-Off.

Pjesa e parë ishte e barabartë, me të dyja skuadrat që e fituan nga një prej secilit çerek në këtë pjesë, ndërsa Bashkimi lojën në dorë e mori në çerekun e tretë, çerek në të cilin pranoi vetëm 9 pikë dhe shënoi 24, për të krijuar epërsi dhe për të shkuar drejt fitores së katërt në këtë edicion të sivjetëm të Ligës Ballkanike.

Pas 40 minutave lojë, rezultati përfundimtar i ndeshjes ishte 78-93.

TABELA AKTUALE BALKAN LEAGUE

Më i dalluari te vendasit sonte ishte Marko Perovic me 30 pikë e 2 asistime, derisa te Bashkimi komplet pesëshja e parë pati pikë dyshifrore. Më të dalluarit ishin Vincent Zollo me 19 pikë, 6 kërcime e 1 asistim dhe Mikaile Tmusic me 18 pikë, 8 kërcime e 6 asistime.

Humbja e sontme e mban skuadrën rozhajase në vendin e fundit, derisa Bashkimi tashmë ka bilanc 4-5 pas 9 ndeshjeve të zhvilluara.