PEJA vs BASHKIMI
BOROZANI/ Arian Paçarizi
Bashkimi lehtë ndaj Pejës
9 December, 2017 @17:33
Derbi i dikurshëm, tanimë duket sikurse një lojë miqësore.
Për shkak të krizës financiare, Peja po detyrohet që t’i luajë ndeshjet pa lojtarët kyç të skuadrës.
Këtë e shfrytëzoi shumë mirë skuadra prizrenase, Bashkimi, dhe e mposhti bindshëm kundërshtarin e “plagosur” me rezultat 106-64 në ndeshjen e cila u zhvillua në palestrën “Karagaç”.
Portokall-e-zinjtë kryesisht dominuan me qendrat e tyre, Jamir Hanner me 37 pikë e 19 kërcime dhe Urim Zenelaj me 19 pikë të tjera të shënuara, kurse te Peja, i riu Rron Ukaj luajti me double-double 23 pikë e 11 kërcime, por nuk mjaftoi për fitore.
Bashkimi e regjistroi fitoren e 9 krahas 3 humbjeve që i ka dhe pas 12 ndeshjeve të zhvilluara gjendet në pozitën e dytë, derisa Peja me 5 fitore e 7 humbje aktualisht gjendet në pozitën e pestë.
