TREPÇA - BASHKIMI
BOROZANI / A.P
Bashkimi mbyll stinorin me fitore
20 April, 2018 @20:36
Në ndeshjen e zhvilluar ndërmjet Trepçës dhe Bashkimit, fitues doli skuadra prizrenase me rezultat 88-93.
Koshashënuesi më i mirë te portokallezinjtë ishte amerikani Aaron Moss me 23 pikë derisa i rrëmbeu edhe 13 kërcime. Moss u ndihmua edhe nga Frederic Stutz, i cili ndaj ish-skuadrës së tij luajti me 18 pikë.
Pikë dyshifrore te Bashkimi shënuan edhe Altin Morina (14 pikë), Vincent Zollo (14 pikë) dhe Urim Zenelaj me 10 pikë.
Te Trepça më i miri ishte Besnik Azemi që luajti me 31 pikë e 9 kërcime.
Bashkimi e përfundoi stinorin e rregullt me 23 fitore e 5 humbje, derisa Trepça me 12 fitore e 16 humbje e përfundoi stinorin 2017/18 në pozitën e pestë.
