TREPÇA (F) - BASHKIMI (F)
TOPSPORTI / Arian Paçarizi
Bashkimi s’ndalet, seria ngritet në 6
17 November, 2019 @9:53
Vashat e Bashkimit pa problem e kaluan edhe pengesën e Trepçës.
Skuadra e trajnerit turk Furkan Saglik, e mposhti skuadrën mitrovicase me rezultat 32-87.
Në çerekun e parë Bashkimi shënoi 31 pikë, derisa duke pësuar vetëm 4 pikë, nënkampioni aktual e krijoi një epërsi që nuk u shua deri në fund të ndeshjes.
Më e dalluara në këtë ndeshje ishte Vlera Vraniqi me 18 pikë, 5 kërcime e 5 asistime, derisa u ndihmua edhe nga Jeta Zeka me 16 pikë, 7 kërcime, 7 asistime e 5 topa të rrëmbyer dhe Khadija Brown Haywood me 13 pikë e 9 kërcime.
Te Bashkimi për këtë ndeshje nuk udhëtuan Aisha Balarabe, Saranda Daci dhe Ulpiana Emra.
Në anën tjetër te Trepça e vetmja me pikë dyshifrore ishte Sihana Ramoja. Ajo luajti me 14 pikë, kurse mori ndihmë edhe nga Lorena Haxha me 8 pikë të tjera.
Bashkimi me 6 fitore në 6 xhirot e luajtuara është skuadra e vetme pa humbje në Ligën e Femrave, derisa Trepça ka bilanc prej 2 fitoreve e 4 humbjeve.
Në xhiron tjetër Bashkimi e luan derbin ndaj Prishtinës në Prizren, kurse Trepça përballet me Penzën.
