Befasia e radhës, Greqia eliminon Lituaninë

Pas eliminimit të Francës, vjen edhe befasia e dytë e ditës.

Përfaqësuesja e Greqisë sonte e ka eliminuar Lituaninë në 1/8 e finales së EuroBasket2017, duke shkaktuar kështu një të papritur, me Lituaninë që konsiderohej favorite për të kaluar tutje.

Grekët e krijuan epërsinë e tyre në çerekun e parë dhe e ruajtën atë deri në fund përkundër përpjekjëve të Lituanisë për ta ngushtuar rezultatin, duke bërë kështu që edhe pa yllin kryesor të NBA-së, Giannis Antetokounmpo, grekët ta arrijnë çerekfinalen pas fitores me rezultat përfundimtar 64-77.

EUROBASKET 2017 - SKEMA

Më i dalluari për Greqinë sonte ishte Sloukas me 21 pikë, derisa te Lituania u dallua Kuzminskas me 20 pikë.

Kjo është hera e dytë në histori që Greqia e eliminon Lituaninë në basketboll, pas eliminimit që i bëri në vitin 2006, ndërsa në çerekfinale grekët e presin fituesin e duelit mes Kroacisë dhe Rusisë.