1/8 E FINALES
Foto: fiba.com
Italia në çerekfinale, eliminon Finlandën
9 September, 2017 @19:16
Marco Belinelli me saktësi prej 63% për tre pikë, bashkë me Luigi Datomen që ka shutuar 75% për dy pikë, kanë qenë më meritorët në kualifikimin e Italisë në çerekfinale të Eurobasket 2017 sot.
Azzurrët mposhtën Finlandën 70-57 në një ndeshje ku italianët u dalluan në mbrojtje, derisa kanë arritur të ndalin armën më të fortë skandinave Lauri Markkanen në 4 pikë.
Belinelli shënoi 22 pikë, ndërsa Datome 15 të tjera në fitoren e Italisë, që dallimin kryesor në ndeshje e bëri në çerek të parë, kur shënoi 30 pikë në koshin finlandez, për 30-17 pas dhjetë minutave të para lojë.
EUROBASKET 2017 - SKEMA DREJT FINALES
Finlanda, ku sot u dallua Petteri Koponen me 13 pikë dhe Sasu Salin me 11, luajti shumë mirë në pjesën e dytë të ndeshjes, duke ndalë makinerinë shënuese italiane, por kjo nuk mjaftoi për të shkuar tutje.
Italia në çerekfinale tash do të pret fituesin e duelit, Serbia-Hungaria.
