BEROE-KUMANOVA
BOROZANI/A.P.
Beroe shkel Kumanovën në finale
11 April, 2017 @23:29
Dueli i parë final ndërmjet Beroes dhe Kumanovës ka kaluar më lehte sesa që kanë paramenduar vendasit.
Beroe ka mposhtur Kumanovën 84-55 për të marrë epërsi kolosale para ndeshjes së kthimit javën që vjen në Kumanovë. Gati 30 pikë epërsi, nuk duken sonte të mundshme për rikthimin e ekipit maqedon, derisa festa në Stara Zagora posa ka nisur.
Shane Gibson ka shënuar 25 pikë, 8 kërcime e 4 asistime për Beroen, ndërsa Omari Gudul ka shtuar 16 pikë, e Aaron Jones ka regjistruar double-double prej 12 pikëve dhe 12 kërcimeve.
Në anën tjetër, te Kumanova, Dimitar Karadjovski ka qenë më efikasi me 14 pikë të shënuara.
