Dardan Berisha, MVP i Xhiros (III)

Basketbollisti më i mirë i Kosovës, Dardan Berisha, pasi që shkëlqeu në përballjen e djeshme të Pejës ndaj Kamzës, me plotë meritë ka marrë çmimin e lojtarit më të mirë të xhiros në Ligën Unike.

Dardani ka qenë arsyeja kryesore pse Kamza pësoi për herë të parë në Ligën Unike, ndërsa Peja e kaloi lehtë kundërshtarin, veçanërisht në çerekun e fundit.

Kapiten Dardani këtë ndeshje e kreu me 28 pikë të shënuara, tetë asistime dhe shtatë kërcime, kurse Peja është lidere e Ligës Unike pas tri xhiros me bilans 2-1, sikurse edhe Teuta, Prizreni, Ylli e Kamza, por ka kosh-dallim më të mirë se të gjitha ato.