KBF VËLLAZNIMI - KBF KASTRIOTI
Vashat gjakovare regjistrojnë fitoren e dytë rresht
8 November, 2021 @17:02
Pas fitores ndaj Trepçës, vashat e Vëllaznimit e mposhtën edhe Kastriotin me rezultat të thellë 106-35.
Që në çerekun e parë, Vëllaznimi e krijoi epërsinë duke pësuar vetëm 2 pikë dhe shënuar 24 sosh, për ta regjishtruar një fitore të lehtë në Ligën e Femrave.
5 basketbolliste luajtë me pikë dyshifrore te Vëllaznimi, prej tyre u dalluan Anila Selmani me 25 pikë, 8 topa të rrëmbyer, 6 asistime, 3 kërcime, Bleona Juniku me 24 pikë, 12 kërcime, 8 topa të rrëmbyer dhe 3 asistime dhe Rina Hoda me 23 pikë, 9 asistime, 7 topa të rrëmbyer e 5 kërcime.
Te Kastrioti e vetmja me pikë dyshifrore ishte Anita Grainca. Ajo luajti me double-double prej 10 pikëve e 10 kërcimeve.
Vëllaznimi aktualisht ka 2 fitore e 3 humbje, kurse Kastrioti ende nuk u njoftua me fitore.
Në xhiron tjetër Vëllaznimi takohet me Bashkimin, derisa Kastrioti me Prishtinën.