NË ÇEKI
Foto: Nymburk/ Facebook
Dardani më efikasi në fitoren e radhës
16 December, 2017 @20:11
Kapiteni i Kosovës, Dardan Berisha, po vazhdon me performanca të mira te ekipi i tij Nymburk në Çeki.
Berisha sot ka qenë lojtari më efikas i ekipit të tij, në 19 minuta sa ishte në fushë.
Ai shënoi 18 pikë në 19 minuta, derisa shutoi 2/5 për tre pikë dhe 4/4 nga gjuajtjet e lira.
Dardani ka pasur indeksin e vlefshmërisë më të lartin në lojë sot te ekipi i tij. Ai ka regjistruar edhe 4 kërcime në mbrojtje, 1 asitim, 1 top të vjedhur dhe 2 bllokada në këtë fitore për të bërë indeksin e efiçencës, 24, që ishte më e larta në ekipin e tij sonte.
Nymburk mposhti ekipin Dekstone Turi Svitavy 86-65 për të bërë bilancin 13-0 pas 13 xhirove të zhvilluara në NBL çeke.
