VËLLAZNIMI (F) - PRISHTINA (F)
TOPSPORTI / Arian Paçarizi
Enisa Kamerolli me triple-double, Prishtina fillon me fitore
13 October, 2019 @17:34
Kampionia në Ligën e Femrave të Kosovës në basketboll, Prishtina, e nisi stinorin 2019/20 me fitore, duke e mposhtur Vëllaznimin me rezultat 51-93.
Edhe pse shumica e lojtareve të pesëshes së parë nuk luajtën shumë te Prishtina, vajzat e trajnerit Fidan Shatri me lehtësi e mposhtën Vëllaznimin.
Enisa Kamerolli në këtë ndeshje shkëlqeu me shifrat magjike triple-double. Ajo luajti me 21 pikë, 13 asistime e 11 kërcime, derisa u ndihmua edhe nga Besjana Martinaj me 16 pikë, Diellza Dekaj me 15 pikë, Tokjona Rexhaj me 14 pikë e 16 kërcime dhe Tringa Ukaj me 12 pikë të tjera.
Te Vëllaznimi më e mira ishte Rina Hoda me 18 pikë. Pikë dyshifrore shënoi edhe Diellza Leti (10 pikë).
Prishtina në xhiron e dytë do të përballet me Bashkimin, kurse Vëllaznimi me Kastriotin.
