Fatlind Shoshaj përforcim shtesë vendor i Pejës

Pas Ivan Koljevicit të zyrtarizuar sot, Peja nuk ka vonuar dhe ka zyrtarizuar edhe lojtarin e radhës në ekip. Ai është basketbollisti i Kosovës U20, Fatlind Shoshaj.

Shoshaj 20-vjeçar, 182-centimetra i gjatë ka qenë pjesë e ekipit belg Kangoeroes-B që është ekipi rezervë i ekipit elit belg Mechelen, me të cilët ai ka luajtur dy ndeshje këtë stinor me mesatarisht 2-minuta.

Përndryshe, Shoshaj te Kosova përgjatë verës së kaluar ka pasur mesatare prej 18-minutash lojë, ku ka shënuar 6.4 pikë për ndeshje, 3 asistime dhe 2.4 kërcime.

Ai do të mbushë edhe më shumë me opcione trajnerin Can Sevim të Pejës, i cili tashmë pas Samir Zekiqit ka në skuadër edhe një lojtar tjetër vendor të shtuar, ndërsa pos tyre në skuadër është shtuar edhe përvoja e Ivan Koljevicit.

Në fundjavën që vjen, Peja pret kampionin aktual të Superligës, Yllin.