FIBA Europe Cup lëvdon publikun prishtinas

Në përshkrimin për ekipet që kanë siguruar fazën e dytë të garave në FIBA Europe Cup, faqja zyrtare e FIBAs ka lëvduar tifozët e Prishtinës.

“Ndër tifozët më të zhurshmshëm në këtë garë, nuk do t’i lejojnë lehtazi ekipeve tjera të fitojnë në Kosovë,” ka shkruar ndër të tjera faqja zyrtare e garës.

Duke vlerësuar paraqitjet e Dardan Berishës, Kyan Andersonit, Khalid Boukichout, A J Davisit dhe Demario Mayfieldit, që janë bazë e ekipit, FIBA Europe Cup ka bërë të ditur ndër të tjera se bardhekaltërit tash do të kenë kundërshtarë më të vështirë në fazë të dytë.

Kurse, duke treguar që në Superligën e Kosovës nuk kanë konkurrencë dhe janë pa humbje, aty është cekur gjithashtu se Prishtina ka bërë histori në arritjen e fazës së dytë të garave të FIBA Europe Cup.

Prishtina ndeshet nesër (12 dhjetor 2018) në S. Oliver Wurzburgun në Grupin I, derisa në të njëjtën kohë takohen edhe Szolonski Olaj - Pinar Karsiyaka, rivalët tjerë të grupit. Ndeshjet nisin në ora 18:00.