GAME 5: BUCKS - HEAT
FOTO / NBA
Finalisti i parë në Lindje: Miami Heat
9 September, 2020 @9:37
Miami Heat duke e mposhtur Milwaukee Bucksin në ndeshjen e pestë të serisë gjysmëfinale me rezultat 94-103, u kualifikua në finale të Konferencës Lindore.
Skuadra e Miamit e shfrytëzoi mirë mungesën e super yllit, Giannis Antetokounmpo, i cili mungoi për shkak të lëndimit, dhe e eliminoi liderin e Lindjes Milwaukee Bucks.
Jimmy Butler shkëlqeu me 17 pikë, 10 kërcime e 6 asistime, kurse u ndihmua edhe nga slloveni Goran Dragic me 17 pikë të tjera.
Te Bucks më i dalluari ishte Khris Middleton me 23 pikë, 7 kërcime e 6 asistime.
Miami Heat është skuadra më e suksesshme e Play Offit sivjet. Ata deri më tani kanë pësuar vetëm një herë derisa kanë fituar 8 ndeshje.
Heat e eliminoi Bucksin me rezultat 4-1, kurse në finale të Konferencës Lindore do të përballet me fituesin nga dueli Toronto Raptors - Boston Celtics.
