Fotis Takianos ndahet me KB Rahoveci, dihet zëvendësuesi

Skuadra e Rahovecit ka bërë të ditur para pak çastesh se ka ndërprerë marrëveshjen me trajnerin aktual të ekipit Fotis Takianos.

Pas një stinori jo mirë të filluar nga vreshtarët, Takianos dhe Rahoveci janë ndarë me marrëveshje, derisa skuadra ka bërë të ditur që detyrën e tij do ta vazhdojë zëvendësi i deritashëm i grekut, Illmen Bajra.

“Me marrëveshje të dyanshme, kemi ndërprerë bashkëpunimin me trajnerin grek, Fotis Takianos. E falenderojmë për punën e bërë deri më tani dhe kontributin e dhënë, teksa i urojmë çdo ditë të mirë në jetë e karrierë. Zëvendësues i tij do të jetë ndihmësi aktual, Illmen Bajra. Me këto ndryshime, klubi synon të rikthehet në normalitet, pas rezultateve të fundit,” ka bërë të ditur njoftimi i fundit i klubit, ku është theksuar edhe “normaliteti” si dhe “rezultatet e fundit”.

Rahoveci pas pesë xhirove të para në Superligë ka arritur të shënojë një fitore të vetme dhe atë ndaj ekipit dukshëm më të dobët në elitë, Dritës.

Vreshtarët janë mposhtur nga të gjitha skuadrat tjera të Superligës në duelet e zhvilluara, derisa nuk janë takuar ende me Yllin dhe Trepçën.

Në renditjen tabelare, Rahoveci është i parafundit me bilans 1-4 dhe ka koshdallim prej minus 15 pikësh.