Hajrizi me pikë dyshifrore në fitoren e Kanazawas

Në ndeshjen që skuadra e tij Kanazawa e luajti përballë skuadrës Shinshu BW, Drilon Hajrizi ka treguar paraqitje mjaft të mirë.

Basketbollisti mitrovicas në këtë duel luajti për 11 minuta, në të cilat ai pati 10 pikë, 3 kërcime, 2 vjedhje të topit dhe 1 asistim. Driloni ishte i saktë 2 herë nga 3 tentimet e tij për 2 pikë, si dhe 2 herë të tjera nga 5 tentimet e tij për 3 pikë, duke e ndihmuar skuadrën e tij që ta fitojë këtë përballje me rezultat 81-74.

Kjo fitore e mban edhe më tutje skuadrën e Kanazawas në vendin e tretë në tabelë, me 4 pikë më pak se lideri Akita NH, ndërsa përballjen e radhës skuadra ku aktivizohet basketbollisti kosovar e luan ndaj skuadrës Tokyo Z në shtëpi.