Hajrizi: Tani na pret ndeshja edhe më e fortë me Pejën

Basketbollisti kryesor në fitoren e Prishtinës ndaj Bashkimit, Drilon Hajrizi, në deklaratën e tij pas ndeshjes tha se skuadra e tij tregoi lojë ekipore, ndërsa tani përpara do ta ketë një ndeshje edhe më të fortë përballë Pejës.

RAPORTI I NDESHJES

“Treguam një lojë ekipore, por megjithatë nuk i zbatuam të gjitha ato për të cilat ishim marrë vesh paraprakisht. Kështu që na mbetet ende punë që t’i përmirsojmë disa gabime që i bëmë sot. Tani na pret një ndeshje edhe më e fortë me Pejën, kështu që me punën që po e bëjmë besoj që do të arrijmë tek fitorja edhe në ndeshjen ndaj Pejës,” tha Hajrizi

“Kemi potencial të madh, por deri më tani në asnjë lojë nuk e kemi treguar këtë potencial. Shpresoj që të arrijmë formën si ekip pasi që ka ende lojë deri në playoff.”

Ndeshja e radhës e Sigal Prishtinës që do të jetë ndaj Pejës, do të luhet përsëri në Pallatin e Rinisë dhe të Sporteve në Prishtinë.