Halep mbijeton rrezikun Kenin

Bartësja numër një e Australian Open 2019, Simona Halep, ka mbijetuar rrezikun nga ylli në ardhje i tenisit amerikan, Sofia Kenin, duke e mposhtur me vështirësi në tre sete për të siguruar raundin e tretë të garës.

Finalistja e vitit të kaluar ka arritur të rikthehet në lojë vetëm falë përvojës së saj në setin vendimtar për të siguruar raundin e radhës, ku tash e pret Venus Williams.

Rumunja Halep ende nuk është në formën e saj më të mirë prej se u eliminua në US Open të gushtit të kaluar në raundin e parë dhe kishte shumë pak kohë për përgatitje për shkak të lëndimit që e kishte në shpinë.

“Luftova sepse e desha fitoren dhe rikthimin në këtë terren,” ka thënë Halep pas kësaj fitoreje.

Kenin 20 vjeçare, në setin e dytë ka arritur që të rikthehet nga 3-0 për të fituar këtë set dhe për të shkuar në setin final, ndërsa krejt dueli zgjati 2 orë e 31 minuta.