KUPA E KOSOVËS: KALAJA - ISTOGU
BOROZANI/ A.P.
Kalaja fiton trillerin në fund
17 December, 2017 @19:58
Kalaja arriti ta mposht Istogun në kuadër të Kupës së Kosovës, me rezultat 90-87.
Skuadra prizrenase, startoi ndeshjen furishëm ku gjatë lojës e ngriti epërsinë deri në 30 pikë epërsi, por ndeshja nuk përfundoi kaq lehtë.
Istogu në pjesën e dytë të ndeshjes u këndell dukshëm dhe epërsinë e uli deri në një pikë. Sidoqoftë, krejt në fund Kalaja duke shënuar nga gjuajtja e lirë dy herë me kapitenin Somel Shaqiri e mposhti kundërshtarin dhe e eliminoi nga Kupa e Kosovës.
Më të dalluarit te Kalaja ishin Ylli Gashi, Valon Bunjaku, Ujkan Karanezi e Gazzali Makasqi, ndërsa te Istogu më i miri ishte Diamant Shabani.
Me fitoren e sontme, KB Kalaja ka siguruar raundin e radhës në Kupën e Kosovës, ku përballë do ta ketë KB Pejën e dobësuar së fundmi.
