PENZA (F) - VËLLAZNIMI (F)
FOTO / FBK
Kampionja deklason Vëllaznimin me 75 pikë epërsi
16 October, 2021 @20:49
Kampionja aktuale e Ligës së Femrave, Penza, e kaloi me lehtësi pengesën e Vëllaznimit, duke e mposhtur me rezultat të thellë 110-35.
Me tomimin total, Penza triumfoi me lehtësi kundër vashave gjakovare.
Penza në këtë ndeshje luajti me 3 të huajat, derisa pushuan Valbona Bytyqi, Jeta Zeka dhe Diedona Halitaj.
Rael Whitsitt ishte më e dalluara me 27 pikë, 17 kërcime, 5 asistime e 4 topa të rrëmbyer, derisa u ndihmua edhe nga Ermelinda Gjuka me 21 pikë, 15 kërcime e 3 asistime dhe Briana Williams që ishte shumë afër shifrave triple-double prej 19 pikëve, 11 asistimeve e 9 kërcimeve.
Te Vëllaznimi e vetmja me pikë dyshifrore ishte Rina Hoda. Ajo luajti me 14 pikë, 6 kërcime e 5 asistime.
Penza tani ka 2 fitore në 2 ndeshjet e zhvilluara, derisa Vëllaznimi është ende pa fitore.
Në xhiron tjetër Penza takohet me Bashkimin, kurse Vëllaznimi me Perishtinën.
