GAME 4: NUGGETS - CLIPPERS
FOTO / NBA
Kawhi për pak triple-double, 1 fitore i ndanë nga finalja
10 September, 2020 @8:55
Los Angeles Clippers është një fitore larg finales së Konferencës Perëndimore.
Skuadra e dytë e Los Angelesit, me dominim total e mposhti Denver Nuggetsin me rezultat 85-96 dhe kaloi 3-1 në epërsi.
Nga fillimi i ndeshjes e deri në fund Clippers nuk e lëshoi epërsinë në asnjë minutë për ta regjistruar një fitore të lehtë ndaj Denverit.
Super ylli Kawhi Leonard ishte shumë afër shifrave magjike triple-double. Ai luajti me 30 pikë, 11 kërcime e 9 asistime dhe ishte i pakapshëm për mbrojtjen e Nuggets.
Te Denveri më i miri ishte Nikola Jokic me 26 pikë, 11 kërcime e 6 asistime.
Ndeshja e pestë e serisë do të luhet më 12 shtator. Clippersave i duhet vetëm edhe një fitore për t’u kualifikuar në finale të Konferencës Perëndimore.
