KB Prizreni dhe Ivan Koljevic ndahen!

Përmes një njoftimi të shkurtër sot, KB Prizreni ka bërë të ditur se është ndarë me playmakerin malazez të ekipit Ivan Koljevic. Basketbollisti në fjalë që me përvojën e tij ka qenë ndër më të dalluarit në ekip, është ndarë me marrëveshje me skuadrën ka bërë të ditur njoftimi i ekipit bardhezi nga Prizreni.

Koljevic, për herë të dytë po bën ndarje me Prizrenin, njëjtë sikurse edhe në stinorin e kaluar, derisa më parë ka luajtur edhe te Trepça e Rahoveci në Superligë - por te asnjëra mbi tri muaj!

Këtë sezon te Prizreni Koljevic ka pasur mesatare prej 14.1 pikësh, 7.2 asistimesh dhe 5.7 kërcimesh për ndeshje.