KBF Prishtina finalistja e parë

Skuadra e Prishtinës, duke e mposhtur KBF Vëllaznimin me rezultat 66-89, u kualifikua në finale të Kupës së Kosovës te femrat.

Vashat e Prishtinës nga fillimi e deri në fund e mbajtën epërsië dhe me lehtësi e mposhtën skuadrën gjakovare.

Amerikanja Alexis Tolefree me 34 pikë ishte koshashënuese më e mirë te Prishtina, derisa u ndihmua edhe nga Enxhi Xhanaj me 20 pikë e 18 kërcime.

Te Vëllaznimi u dallua Sarah Mgbeike me 25 pikë e 24 kërcime dhe Raven Baker me 15 pikë, 6 kërcime e 5 asistime ishin më të dalluarat te skuadra gjakovare.

Prishtina në finale do të takohet me fituesen nga dueli KBF Bashkimi - KBF Penza.