MPOSHTIN GJAKOVARËT
Kosovari bindshëm ndaj Gjakovës së Re
31 October, 2023 @22:18
Skuadra e ardhur këtë stinor në Ligë të Parë, Kosovari, ka shënuar fitore të thellë ndaj Gjakovës së Re, që s’ka shijuar fitoren këtë stinor ende. Kosovari ka mposhtur kundërshtarin e sontëm me rezultat 93-59, ndërsa me 33 pikë Etnik Peci ka qenë koshashënuesi më i mirë i ndeshjes.
Te Gjakova e Re rezistencë sadopak bëri Diar Efendija me 20 pikë, por pamjaftueshëm për ekipin që në total kishte tetë lojtarë sonte në ekip. Kosovari me këtë fitore kthen bilancin pozitiv në 3-2, ndërsa Gjakova e Re vazhdon krizën me 0-5.
