KUPA e KOSOVËS
Kupa e Kosovës, kuptohen çiftet
14 December, 2021 @16:42
Pasi që ka përfunduar pjesa e parë e stinorit në Ligën e Femrave në basketboll, FBK ka formuar grupet me sistem të Bergerit dhe ka krijuar çiftet e para që do të ndeshen për të arritur gjysmëfinalen e garës.
Kështu, për shkak të rezultateve të mira përgjatë stinorit, KBF Prishtina dhe KBF Penza kalojnë direkt në gjysmëfinale, ndërsa aty do t’i presin fitueset e ndeshjeve përkatëse.
GRUPI A: Prishtina; Vëllaznimi, Trepça.
GRUPI B: Penza; Bashkimi, Kastrioti.
Kurse duelet e para luhen mes ekipeve jobartëse të grupeve, ku fitueset shkojnë në gjysmëfinale të grupit ku gjinden.
Kështu, më datat 18-19 dhjetor 2021 ndeshen:
Vëllaznimi-Trepça
Bashkimi-Kastrioti.
Fituesit e dueleve do të luajnë (sipas grupit) me ekipin bartës dhe fituesit e këtyre përballjeve gjysmëfinale - do të sigurojnë finalen e Kupës së Kosovës në basketboll.
