1/8: LETONIA - MALI I ZI
Foto: fiba.com
Letonia arrin çerekfinalen
10 September, 2017 @13:14
Pas fitores së shënuar sot, Letonia ka arritur të kualifikohet në çerekfinale të EuroBasket2017.
Letonezët e drejtuar nga Timma dhe Porzingis e eliminuan pa shumë probleme Malin e Zi, në një takim ku Letonia e arriti shifrën e 100 pikëve të shënuara për herë të parë që nga viti 1993.
Dominimi i letonezëve filloi që nga çereku i parë dhe vazhdoi deri në fund, me rezultatin përfundimtar që shënoi 100-68.
Janis Timma ishte më i dalluari me 21 pikë, Porzingis shtoi 19 të tjera, derisa te malazezët u veçua Dubljevic me 21 pikë.
Në çerekfinale Letoninë e pret një sfidë tejet e vështirë ndaj Sllovenisë, përfaqësuese e cila nuk di për humbje as në këtë kampionat e as në kualifikimet drejt këtij kampionati.
