SHQIP NË BOTË
Maxhuni përsëri me pikë dyshifrore
21 January, 2018 @17:20
Në takimin e zhvilluar në mëngjesin e sotëm ndaj skuadrës Cal State Fullerton, Long Beach State ku aktivizohet Edon Maxhuni ka shënuar fitore me rezultat 83-75.
Ndeshja kaloi me dominimin e Long Beach State dhe deri 3 minuta para fundit të ndeshjes kjo skuadër kishte epërsi prej 22 pikëve, mirëpo skuadra e Cal State Fullerton, që deri sot ishte lidere në Big West Conference, e ngushtoi disavantazhin deri në 8 pikë, mirëpo kohë për ndonjë befasi eventuale nuk kishte dhe ndeshja u mbyll me fitoren e skuadrës Long Beach State.
Maxhuni në këtë duel luajti për 20 minuta dhe zhvilloi një paraqitje mjaft të mirë, duke i ndihmuar skuadrës së tij me 11 pikë, 3 kërcime, 2 topa të vjedhur e 1 asistim.
Ndeshjen e radhës skuadra ku momentalisht luan fundori kosovar me nënshtetësi finlandeze e luan mëngjesin e ditës së premte ndaj skuadrës Cal Poly.
