Salah zëvendësues i Neymarit

Derisa Neymarit po i përfundon kontrata këtë verë te ekipi arab Al-Hilal, këta të fundit tashmë pa bërë shumë presion, presin që të sigurojnë zëvendësimin e tij.

Mohamed Salah, që nuk po vazhdon kotratën me Liverpoolin, derisa po kalon një stinor fantastik personal aty, qoftë për mosmarrëveshje rroge - qoftë për mosinteresim më të thellë të Liverpoolit, pritet të bëhet lojtar i ri i klubit, që dy vite më parë kishte parë ofertën e tyre të refuzuar nga ekipi i “Anfield Road”.

180 milionë euro i kishte ofruar Al-Hilal për Mohamed Salahun verën e vitit 2023. Ofertë kjo e refuzuar nga anglezët. Mirëpo tash, kur skuadra angleze që po lufton për titull këtë stinor dhe ka Salahun si golashënues dhe asistues më të mirë të ekipit, nuk po arrin të gjejë pikën e përbashkët me egjiptianin, Al-Hilal në anën tjetër po bëhet gati.

Egjiptiani 32 vjeçar ka shënuar 232 gola e 104 asistime në 378 ndeshje me të kuqtë e “Anfieldit”, është njëri ndër lojtarët më të respektuar jo vetëm në ekip, ndërsa puna e tij konstante me veten dhe forma e mirë, bëjnë shumë njohës të çuditen se si Liverpool nuk po ia vazhdon kontratën për së paku edhe dy vjet, nëse për asgjë tjetër - për të shpërndarë përvojën e tij te të rinjtë që vinë aty.