Edhe një sulmues, gati marrëveshjen me Manchester Cityn

Pas vazhdimit afatgjatë të kontratës me Manchester Cityn të Erling Haalandit, ekipi kampion i Premier Ligës është vënë në aksion për të bërë përforcime ashtu që të rikthehet në luftë për titull pas muajve aspak të mirë të fundit të vitit 2024.

BBC Sport ka bërë të ditur se Manchester City është shumë afër të sigurimit të shërbimeve të sulmuesit të Eintracht Frankfurtit, Omar Marmoush. Egjiptiani 25 vjeçar është duke kaluar një stinor shumë të mirë në Bundesligë, ndërsa ka shënuar 15 gola kampionalë deri sot.

Njoftimi ka shtuar se marrëveshja verbale me lojtarin është arritur dhe tash e tutje në aksion pritet të vihen - letrat. Pos tij, Manchester City është duke kërkuar sigurimin e mbrojtësit të ri të Palmeirasit, Vitor Reis si dhe mbrojtësit të krahut të majtë të Juventusit, Andrea Cambiaso.