Amorim: Ekipi më i keq në histori!

Trajneri i ri i Manchester Unitedit, Ruben Amorim, në deklaratën e dhënë për media dje pas humbjes nga Brightoni në “Old Trafford” ka përshkruar ekipin e tij si “ndoshta më të keqin” në historinë 147-vjeçare të klubit.

Humbja e djeshme, 1-3, ishte e katërta në shtëpi për Manchester Unitedin në pesë ndeshjet e fundit. Ekipi ka mbledhë 11 pikë në 11 ndeshje kampionale prej se Amorim mori timonin e skuadrës për ta zëvendësuar Erik ten Hagun në nëntor.

“Në dhjetë ndeshjet e fundit të Premier Ligës kemi fituar vetëm dy. Imagjinoni çka do të thotë kjo për një tifoz të Manchester Unitedit dhe imagjonin çka do të thotë kjo për mua,” ka thënë trajneri portguez i ekipit.

“Po marrim trajner të ri dhe po humbim më shumë sesa trajneri i fundit. Jam plotësisht në dijeni të kësaj. Jemi ekipi më i keq ndoshta në histori të klubit. E di se ju [mediat] dëshironi tituj, por po e them këtë sepse e kam për detyrë ta përmirësojë gjendjen në klub. Ja ku keni titull,” ka shtuar ai.

Nga 22 xhiro, Manchester United është i 13-ti në renditje tabelare me vetëm shtatë fitore këtë stinor në Premier Ligë. Ekipi ka 26 pikë në total, vetëm 10 më shumë sesa ekipet që gjenden në zonën e rënies, ndërsa lideri i Premier Ligës Liverpool ka 24 pikë më shumë!