Belgjika shkarkon selektorin!

Pas rezultateve dëshpëruese në muajt e kaluar, Belgjika ka vendosur që të ndajë rrugët me trajnerin italian të kombëtares së tyre, Domenico Tedesco. Trajneri 39 vjeçar nuk ka arritur të plotësojë kërkesat e Federatës përkatëse, ndërsa rezultatet jo të mira kanë bërë që drejtuesit e futbollit në këtë vend të shkarkojnë trajnerin dhe të vihen në kërkim të tjetrit para ndeshjeve të radhës dhe kualifikuese për Botërorin e radhës.

Tedesco me Belgjikën përfundoi evropinain EURO 2024 në të tetën e finales. Përfundoi Ligën A të Kombeve në pozitë të tretë, me një fitore nga gjashtë ndeshje. Ndërsa gjithçka u dridh kur edhe Izraeli mposhti ata në nëntor në kuadër të Ligës së Kombeve! Disa nga mediat belge kanë shkruar se Thierry Henry do të mund të merr timonin e reprezentacionit.

Belgjika në fakt, për shortin drejt Botërorit 2026 që do të mbahet në Amerikën Veriore (SHBA, Kanada dhe Mekiskë) ka kundërshtarë të lehtë dhe kualifikimi i tyre shihet si tejet i mundshëm. Belgët janë shortuar në grup me Uellsin, Maqedoninë Veriore, Kazakistanin dhe Lihtenshtajnin.