Kosova mbyllë vitin 2024 në TOP-100 të FIFAs

Nuk ka lëvizur prej nëntorit në dhjetor dhe me listën e publikuar sot nga FIFA, Kosova do të mbyllë vitin 2024 në pozitën e 99 të renditjes botërore të skuadrave të futbollit shtetëror, duke qenë në vendin më të lartë të arritur në histori - që e mbërriti në muajin e kaluar.

Kosova është e 99-ta në FIFA, mbi ka Bjellorusinë, ndërsa nën Armeninë. Ekipi i drejtuar nga Franco Foda ka arritur që të përfundojë në pozitë të dytë të grupit përkatës në Ligë të Kombeve dhe me rezultatet e fundit të arritura aty ka kërcyer për herë të parë në TOP-100’shen e FIFAs.

Kosova gjithashtu në fillim të këtij muaji ka mësuar kundërshtarët në ciklin kualifikues për Botërorin 2026, ndërsa aty do të ketë punë të vështirë pasi që shorti e ka hedhur në grup me Zvicrën, Suedinë dhe Slloveninë. Kosova me të gjitha këto vende është takuar në garat e mëhershme kualifikuese evropiane, botërore dhe ligë të kombeve, por ndaj asnjërës nuk ka fituar asnjëherë!