BROSE-REAL
Foto: euroleague.net
Mbretërit triumfojnë në Gjermani
21 December, 2017 @22:32
Real Madrid ka arritur te fitorja e tetë e stinorit në Euroleague, duke e mposhtur sonte ekipin gjerman, Brose Bamberg, si mysafir me rezultat bindës 66-81.
I tërë dallimi në ndeshje u bë në çerekun e parë, kur madrilenët morrën epërsinë 13-29. Më pas e gjithë ndeshja shkoi barabartë, derisa ekipi i Pablo Lasos nuk lejoi afrimin e tepërt në rezultat nga vendasit për të fituar në fund me 15 pikë dallim.
Trey Thompkins shënoi 20 pikë për Realin, ndërsa 13 të tjera i shtoi Fabien Causeur. Nëntë pikë e 10 kërcime i regjistroi Walter Tavares, derisa Luka Doncic kontribuoi me 8 asistime e 7 pikë në fitoren e tetë të ekipit këtë stinor në Euroligë.
Daniel Hackett me 13 dhe Lucca Staiger e Maodo Lo me nga 12 pikë të shënuara, ishin më efikasit te ekipi humbës, që tash ka bilanc 6-8.
