Montavious Murphy - emër i ri te KB Prizreni

Një alo-qendër të re në ekip e ka lajmëruar KB Prizreni sot, derisa Montavious Murphy është 205-centimetërshi shtesë në ekipin që po drejtohet nga turku Tuncay Bostanci.

KB Prizreni ka njoftuar se amerikani 23-vjeçar do të jetë forcë shtesë në trapez, ndërsa së fundi ka qenë pjesë e Pljevlja nga Mali i Zi.

Murphy te ekipi malazez ka pasur shtatë paraqitje këtë stinor, ndërsa në ErsteLiga të Malit të Zi ka pasur mesatare prej 15.7 pikësh për ndeshje dhe 5.3 kërcimesh.

I njëjti, në BIBL ka luajtur me mesatare prej 15.8 pikësh dhe 7.8 kërcimesh për ndeshje. Përndryshe, KB Prizreni ka bërë të ditur se ai do të debutojë në ekip këtë fundjavë, kur bardhezinjtë nga Prizreni luajnë kundër Istogut.