Mirlind Zekaj zyrtarizohet te KB Bora

Lideri i Ligës së Parë dhe ekipi i vetëm pa humbje këtë stinor aty, KB Bora nga Prishtina, ka bërë të ditur pak më parë se ka arritur marrëveshje me lojtarin e Istogut Mirlind Zekaj për të përforcuar radhët e tyre.

Përmes një njoftimi të shkurtë, ekipi i Borës që drejtohet nga Arben Krasniqi trajner ka njoftuar se ai do të jetë lojtar i ri i skuadrës së tyre, që tashmë në Ligë të Parë ka bilanc perfekt me 13 fitore nga 13 ndeshje të luajtura dhe po shkon sigurt drejt playoffit për Superligë.

Zekaj te Istogu këtë stinor ka pasur mesatare prej 7 pikësh për ndeshje me 2.5 kërcime për lojë. Ai luan në pozitat 2-3, ndërsa është 196 centimetra i gjatë dhe 22 vjeç.