NË PRITJE TË KONFIRMIMIT
Peja rikthehet në BIBL
22 December, 2023 @11:35
Kampionia aktuale e Kosovës në basketboll, KB Peja, është pranë rikthimit në BIBL dhe atë këtë stinor, ka bërë të ditur një njoftim i ligës ballkanike lëshuar dje.
Sipas BIBL, KB Peja është duke pritur konfirmimin për pjesëmarrje nga FBK-ja për të qenë pjesëmarrës në ligë.
Peja përndryshe ka qenë nënkampione e BIBL në stinorin e kaluar, derisa në finale ishte mposhtur prej Hapoel Beer Shevës izraelite.
Deri tash këtë stinor 2023/24 në BIBL janë në total katër pjesëmarrës, dy nga Mali i Zi, një ekip qipriot dhe një nga Kosova. Prishtina si dy herë kampione e kësaj lige iu kthye ligës pas viteve mungesë. Me Pejën, numri i ekipeve pjesëmarrëse do të shkojë në pesë!
Pjesëmarrësit në BIBL këtë stinor janë: Lovcen dhe Pljevlja nga Mali i Zi, Payabl AEL nga Qipro dhe Prishtina nga Kosova, derisa Peja pret konfirmimin për tu zyrtarizuar si pjesë e ligës këtë stinor.
