Fantasy TopSporti
Të gjitha lajmet
Tabelat dhe Rezultatet

PARAKUALIFIKIMET

Nisin përgatitjet! Kosova para dueleve me skandinavët

Pamje nga arkivi

Nisin përgatitjet! Kosova para dueleve me skandinavët


21 November, 2021 @9:10

Basketbollistët e Kosovës kanë nisur dje përgatitjet për ndeshjet e para parakualifikuese drejt Eurobasket 2025.

Kosova do të ndeshet me Norvegjinë më 25 nëntor në Bergen, ndërsa pret Danimarkën më 28 nëntor në Prishtinë.

Selektori i Kosovës Christos Marmarinos ka munguar dje në stërvitjen e parë të lojtarëve të kombëtares kosovare, ndërsa ato janë udhëhequr nga ndihmësit Bujar Loci, Dritëro Sefaja dhe Arbnor Rifati. Ky i fundit është edhe shtesa e fundit që e ka bërë FBK në kuadër të shtabit teknik.

Norvegjia në vitet e fundit nuk ka marrë pjesë në gara të tilla, prandaj ajo është e panjohur për shtabin teknik. Mirëpo, në një prononcim për koha.net pejani Loci ka thënë se do t’i studiojnë këto ditë ata.

“Rivalin nuk e njohim mirë pasi që nuk ka qenë pjesë e garave të tilla në vitet e fundit. Por, besoj që kemi kohë për t’i studiar këto ditë,” ka thënë ai.

Kosova është në grup me Norvegjinë e Danimarkën në fazën e parë kualifikuese për Eurobasket 2025. Basketbollistët e Kosovës duhet të kërkojnë vendin e parë të grupit për të siguruar fazën tjetër të kualifikimeve, ose duhet të jenë të dytit më të mirë nga secili grup tjetër për të arritur tutje.


 
Të gjitha lajmet nga FBK Superliga