GRAND PRIX TBILISI 2019
Nora Gjakova merr medaljen e artë në Gjeorgji
29 March, 2019 @16:34
Duke e mposhtur me ippon në finale brazilianen Rafaela Silva, Nora Gjakova ka marrë medaljen e artë [kategoria deri në 57kg] në Grand Prix të Tbilisit sot në Gjeorgji.
Xhudistja pejane ka treguar klasin e saj përgjatë gjithë garës sot, ndërsa radhazi ka mposhtur turken Seyma Ozerler, pastaj vendasen Eteri Liparteliani për të arritur gjysmëfinalen e garës.
Në gjysmëfinale viktimë e Norës ishte holandezja Sanne Verhagen pas së cilës u sigurua medalja, shkëlqimin e së cilës pejanja e bëri të artë ndaj brazilianes.
