Pas Kandemirit, Prishtina shton stafin teknik

Pas zyrtarizimit të Ahmet Kandemirit si trajner të ri të skuadrës, KB Prishtina ka bërë të ditur se ka angazhuar edhe Erkam Isamilin si ndihmës-trajner të ri të skuadrës.

Prishtina ka thënë se Ismaili që vjen nga KB Çair i Shkupit do t’i bashkangjitet stafit të trajnerëve të skuadrës.

“Stafit të trajnerëve i drejtuar nga Ahmet Kandemir do t’i bashkangjitet edhe ndihmës-trajneri Erkam Ismaili nga Shkupi. Ismaili më parë ka drejtuar skuadrën turke Çanakkale dhe së fundmi ka qenë pjesë e BC Çair nga Shkupi që garon në elitën maqedonase,” ka shkruar njoftimi i plotë i KB Prishtinës për Ismailin.