PEJA - BASHKIMI
Peja fiton ndeshjen e mbetur ndaj Bashkimit
9 April, 2017 @18:45
Në duelin e mbetur nga xhiroja e XIV, Peja e mposhti Bashkimin në palestrën sportive “Karagaç”.
Në këtë takim të dyja skuadrat ishin me plot mungesa për shkak të rregullave të FBK-së në lidhje me lojtarët e ardhur apo larguar pas datës kur është dashur të luhej xhiroja e XIV, e këto mungesa më pak u vërejtën te pejanët, të cilët takimin e mbyllën me fitore.
Ndeshja ishte krejtësisht e barabartë dhe tejet dramatike deri në sekondat e fundit. 40 sekonda para fundit, dy gjuajtjet e lira të sakta të Leonard Mekajt i dhanë epërsinë 1 pikëshe pejanëve, e në akcionin e Bashkimit, Popovic nuk ishte i saktë për tre pikë, duke i mundësuar Pejës edhe një akcion, akcion në të cilin Alban Veseli fitoi dy gjuajtje të lira. Prej tyre, ai u tregua i saktë në njerën prej tyre, por kjo mjaftoi që ndeshja të mbyllej me fitoren e pejanëve 62-60, me Kayel Locken e mysafirëve që nuk ishte i saktë për 3 pikë 3 sekonda pa përfunduar takimi.
Më i dalluari te Peja ishte Noah Dahlman, i cili sonte ishte i vetmi lojtar i huaj në ekipin pejan. Dahlman takimin e mbylli me 22 pikë, derisa te prizrenasit u veçuan Gazmend Sinani me 20 pikë dhe Kayel Locke me 17 sosh.
Përveç takimit më pak që e patën sot, Peja e Bashkimi do ta luajnë mes vete edhe takimin e mbetur nga xhiroja e XXI. Ky takim zhvillohet në Prizren në një datë të pacaktuar ende.
PEJA
| 1 | Noah Dahlman (40:00) | 22 pikë | 12 kërcime | 4 asistime |
| 2 | Alban Veseli (40:00) | 14 pikë | 11 kërcime | 2 asistime |
| 3 | Leonard Mekaj (40:00) | 12 pikë | 3 kërcime | 10 asistime |
| 4 | Blendi Kadusha (10:20) | 5 pikë | 1 kërcim | 1 asistim |
| 5 | Egzon Kuqi (16:51) | 4 pikë | 3 kërcime | 1 asistim |
| 6 | Arti Hajdari (30:02) | 3 pikë | 2 kërcime | 1 asistim |
| 7 | Mirza Ahmetbasic (22:46) | 2 pikë | 1 kërcim | 4 asistime |
| 8 | Rron Grapci | - | - | - |
| 9 | Mirza Muric | - | - | - |
BASHKIMI
| 1 | Gazmend Sinani (34:01) | 20 pikë | 17 kërcime | - |
| 2 | Kayel Locke (40:00) | 17 pikë | 7 kërcime | 2 asistime |
| 3 | Qëndrim Biraj (33:46) | 7 pikë | 4 kërcime | 5 asistime |
| 4 | Mikaile Tmusic (31:37) | 7 pikë | 4 kërcime | 4 asistime |
| 5 | Marko Popovic (13:09) | 7 pikë | 1 kërcim | 1 asistim |
| 6 | Imer Tahiri (30:01) | 2 pikë | 2 kërcime | 3 asistime |
| 7 | Edmond Kryeziu (17:23) | 0 pikë | 3 kërcime | 1 asistim |
| 8 | Ardit Memçaj | - | - | - |
| 9 | Taha Shinik | - | - | - |
| 10 | Drilon Rabi | - | - | - |
| 11 | Altin Gashi | - | - | - |
