Peja pret zyrtarizimin e rivalëve, disa janë të sigurt

Peja pas eliminimit nga Liga e Kampionëve në basketboll, ka siguruar fazën grupore të FIBA Europe Cup.

Verdhezinjtë që dje u mposhtën thellë nga Bakken Bears i Danimarkës dhe u nuk arritën të kalojnë çerekfinalen kualifikuese për në fazë grupore të Ligës së Kampionëve, kanë mësuar jozyrtarisht edhe kundërshtarët e grupit në kuadër të FIBA Europe Cup.

Kështu, Peja do të bie në Grupin H të fazës grupore të FIBA Europe Cup, ndërsa është ekipi më poshtë i ranguar prej të tjerëve.

Kundërshtarë të ekipit të Rami Hadarit do të jenë Heroes Den Bosch* i Holandës.

Pastaj vjen skuadra gjermane Niners Chemnitz, ndërsa rivali tjetër i grupit të pejanëve në kuadër të stinorit 2023/24 të FIBA Europe Cup është PGE Spojnia Stargard polake.

Duelet e para të fazës grupore në FIBA Europe Cup do të luhen prej datës 18 tetor.
-
*Heroes Den Bosch do të jetë pjesë e grupit, nëse nuk kualifikohet në Ligë të Kampionëve

i: