ISTOGU - TREPÇA
Istogu i pafuqishëm për Trepçën
23 September, 2023 @19:31
Në ndeshjen debutuese në Superligë, Istogu është mposhtur me rezultat të thellë nga skuadra e Trepçës.
Trepça dominoi që nga fillimi dhe pa probleme e fitoi këtë takim, me Istogun që ishte i pafuqishëm t’i bëjë ballë skuadrës së drejtuar nga Adis Beciragic.
Në fund, ndeshja u mbyll me rezultatin përfundimtar 65-112.
Më të dalluarit te Trepça sonte ishin Drilon Hajrizi me 20 pikë, 9 kërcime e 5 asistime dhe Amin Hot me 18 pikë, 4 kërcime e 4 asistime, ndërkohë pikë dyshifrore patën edhe 5 lojtarë të tjerë.
Te Istogu u veçua James Stanback me 16 pikë e 6 kërcime, kurse pikë dyshifrore patën edhe 3 lojtarë të tjerë.
Xhiron që vjen, Istogu i shkon Yllit, kurse Trepça e pret Prishtinën në Mitrovicë.
