PRISHTINA (F) - KASTRIOTI (F)
Prishtina deklason me dy rekorde Kastriotin
8 March, 2020 @20:04
Vashat e Prishtinës me lehtësi e mposhtën Kastriotin me rezultat të thellë 135-46.
Prishtina në këtë ndeshje nuk e lëshoi epërsinë nga fillimi i ndeshjes e deri në fund. Vashat e Prishtinës i regjistruan dy rekorde, gjithsej 135 pikë, dhe gjithashtu duke e arritur fitoren me epërsinë më të lartë në një ndeshje sivjet, plot 89 pikë epërsi.
7 basketbolliste të Prishtinës luajtën me pikë dyshifrore, prej tyre u dalluan Enxhi Xhanaj me 28 pikë, 8 asistime, 6 kërcime e 5 topa të rrëmbyer, Enisa Kamerolli me 21 pikë, 5 kërcime e 3 asistime, Marigona Rushiti e Era Shatri me nga 20 pikë secila dhe Irma Konjusha me double-double prej 13 pikëve e 11 asistimeve.
Te Kastrioti u veçua vetëm Agnesa Rrahmani me 28 pikë e 6 kërcime.
Prishtina gjendet në pozitën e dytë me 13 fitore e 2 humbje, derisa Kastrioti në fund të tabelës me 2 fitore e 13 humbje.
Në xhiron tjetër Prishtina e pret Vëllaznimin, kurse Kastrioti takohet me Penzën.
