DUELET LUHEN SOT
Rahoveci në mbrojtje të pozitës së tretë
15 February, 2018 @10:50
Superliga e Kosovës vazhdon me ndeshjet e xhiros XX sot, kur luhen të gjitha përballjet.
Ndeshja më interesante e javës pritet të zhvillohet në Minatori të Mitrovicës, ku Trepça (8-11) pret Rahovecin (11-8).
Rahoveci në xhiron e shkuar shfrytëzoi disfatën e Yllit dhe me fitore kapërceu në pozitën e tretë të klasifikimit. E tash me përforcimin e fundit Mark Williams, dëshiron ta mbrojë këtë pozitë.
Në anën tjetër, Trepça pas disfatës befasuese nga Borea në xhiron e shkuar, dëshiron t’i kthehet fitoreve dhe të shpresojë në Play-Off, pasi që para tyre gjendet edhe Ylli e edhe Rahoveci.
Në duelet tjera të xhiros që zhvillohen sot, vetëm ndonjë befasi e madhe mund të bëjë bujë. Ylli pritet të kalojë lehtë Pejën në krizë. Kerasan Prishtina udhëton në Prizren për t’u përballur me Bashkimin, ndërsa Sigal Prishtina pret Borean.
