JEFF TAYLOR
Real Madrid vazhdon me Taylorin
12 July, 2017 @9:54
Aloja amerikane Jeffery Taylor, ka vazhduar edhe për dy stinorë të tjerë kontratën me Real Madridin, ka bërë të ditur vetë klubi madrilen.
Ish i draftuari i Charlotte Bobcatsit në vitin 2012, Taylor tash 28 vjeç, që ka edhe shtetësi suedeze prej se ka ardhur në Europë, nuk e ka ndërruar ende ekipin e Real Madridit dhe duket se kjo do të vazhdojë kështu edhe për më shumë kohë. Taylor 201 centimetra i gjatë ka zhvilluar 132 ndeshje në tre stinorë të kaluar në NBA.
Në stinorin e kaluar, reprezentuesi i Suedisë në Eurobasket 2013, ka pasur mesatare prej 4.6 pikëve për ndeshje, ndërsa saktësi prej 39.2 % në shutimet për tre pikë në 30 ndeshje të Euroligës.
